Gonzi, EFA, Gaddafi u l-Komunisti Ċiniżi
Ma nafux għandniex nidħqu jew nibku dwar ir-rapport tat-Times u l-kummenti taħtu u l-istqarrija tal-PN dwar dik l-ispeċi ta’ stqarrija bombastika li ħarġu l-Korea ta’ Fuq dwar il-laqgħa bejn l-ambaxxatur tagħhom u l-mexxej Laburist Joseph Muscat, GonziPN kien pront jgħid li Muscat jerġa’ joħodna għaż-żmien iswed ta’ Mintoff jekk jitla’ fil-gvern. Biżżejjed ġab lil bint Mintoff lura. Aħna tal-Mazzun nixtiequ nfakkru li Lawrence Gonzi kien l-aħħar mexxej Ewropew li għannaq lil Muammar Gaddafi, li Eddie Fenech Adami għannqu wkoll, u issa Gonzi jiftaħar bir-rwol ta’ Malta fil-gwerra li qaċċtet lil Gaddafi! L-istes għaċ-Ċinizi allajbierek kienu komunisti biss fi żmien gvern Laburista tat-80ijiet, għax malli l-PN tela’ fil-gvern mill-ewwel għamel ħbieb magħhom. Dawn ir-ritrati jitkellu waħidhom!